23, జులై 2018, సోమవారం

puri temple history | రథయాత్ర విశేషాలు


తొలి రథయాత్ర

puri temple history | రథయాత్ర విశేషాలు
ఈనాడింత ప్రసిద్ది చెందిన రథయాత్రను తొలిసారిగా జరిపినదీ, రథ నిర్మాణాన్ని చేపట్టినదీ  ఇంద్రద్యుమ్న మహారాజు. రథనిర్మాణం ఏ విధంగా చేయాలి, వాటియొక్క అలంకరణ ఏవిధంగా ఉండాలి, రథాలను ఏవిధంగా భద్రపరచాలి, ఎలా కాపాడుకోవాలి, రథనిర్మాణానికి కావలసిన సామగ్రిని, కలపను ఏ విధంగా సమకూర్చుకోవాలి అన్న అన్ని విషయాలను అశరీరవాణిగా సాక్షాత్తు నారాయణుడే చెప్పాడని పురాణాలు చెప్తున్నాయి. స్వామి చెప్పిన విషయాల ద్వారా, నారదుని సలహా, సూచనలతో ఇంద్రద్యుమ్న మహారాజు రథ నిర్మాణం చేయించగా ఒక శుభముహూర్తాన నారదుడు కార్యక్రమం నిర్వహింప చేశాడు.

చందనయాత్ర:

రథయాత్రకు శ్రీకారం చుట్టేది చందనయాత్రతోనే. అక్షయ తృతీయరోజు రథాల నిర్మాణానికి శ్రీకారం చుట్టినప్పుడే ఆలయం లోని విగ్రహాలకు చందనయాత్ర మొదలవుతుంది. ఉత్కళ ప్రాంతంగా పిలుచుకునే ఈ ప్రాంతంలో పంటలకు శ్రీకారం చుట్టేది కూడా ఆ రోజే. ఇది 42 రోజులపాటు జరుగుతుంది. మొదటి 21 రోజులు బాహర్ చందన్ అని పిలుస్తారు. గది బయట భక్తులు చూస్తుండగానే గంధం పూతపూసి పూజలు చేస్తారు. మిగిలిన 21 రోజులు అంతరాలయంలో జరుగుతుంది. దీనిని భీతర్ చందన్ అని పిలుస్తారు. చందనయాత్రలో భాగంగా చందన్ తాలాబ్ లేదా నరేంద్రకొలను అని పిలిచే సరస్సులో, జగన్నాథుడు మదననమోహనమూర్తిగా నౌకావిహారం చేస్తాడు. మూడురోజుల పాటు ఈ తెప్పోత్సవం నిర్వహిస్తారు. పంచపాండవులు ప్రతిష్టించినట్లుగా చెప్పబడే అయిదు శివాలయాలలోని ప్రతినిధి మూర్తులు ఈ ఉత్సవంలో పాల్గొంటారు. ఈ చందనోత్సవం తరువాతే స్నానోత్సవం జరుగుతుంది.

జగన్నాథుని స్నానోత్సవం:

రథయాత్రకు ముందు జ్యేష్ట పూర్ణిమనాడు జరుగుతుందీ ఉత్సవం. స్వామి అవతరించినది కూడా జ్యేష్టమాసంలోనే కాబట్టి జ్యేష్టమాసం లో జరిగే స్నానోత్సవానికి అత్యంత ప్రాధాన్యత ఉంది. దీనినే స్నానపూర్ణిమ అని కూడా పిలుస్తారు. ఆలయంలోనే ఈశాన్యమూల ఉన్న స్నానవేదికపై మూలమూర్తుల్ని పెట్టి 108 బిందెల పవిత్రజలంతో ఈ మూర్తుల్ని అభిషేకిస్తారు. ఈ స్నానవేదికనే అనసరపిండి అని పిలుస్తారు ఆటవికులు. ఈ ఉత్సవంలో స్నానం చేయించినవారికి కోటిజన్మలలో చేసిన పాపాలయినా పరిహరించబడతాయి. అదేవిధంగా ఈ స్నానోత్సవాన్ని చూసినవారు కూడా ఎంతో భాగ్యవంతులుగానే పరిగణించాలి. ఎందుకంటే జ్యేష్టమాసంలో స్వామి జన్మదినమున జరిగే ఈ స్నానోత్సవాన్ని చూసినవారికి కలిగే పుణ్యఫలితంతో మరే ఇతర పుణ్యఫలితం సరితూగదట. ఎన్నో పుణ్యక్రతువులు చేస్తే, ఎన్నో దానధర్మాలు చేస్తే, ఎనో తీర్థయాత్రలు చేస్తే, పుణ్యతీర్థాలలో స్నానమాచరిస్తే, ఎనో వ్రతాలు, జపతపాలు చేస్తే లభించే పుణ్యంకంటే అధికమైన పుణ్యఫలం ఈ స్నానోత్సవం వీక్షణం వలన లభిస్తుందని, గర్భిణీ స్త్రీ గనక ఈ ఉత్సవాన్ని తిలకిస్తే ఉత్తములయిన సంతానం కలుగుతుంది. గర్భశోకాలనుండి రక్షించ బడుతుంది. రోగపీడితులు గనక చూస్తే సంపూర్ణ ఆరోగ్యవంతులవుతారు. ఇలా ఏ రకమైన వేదనతో ఉన్నవారైనా ఆ వేదన నుండి బయటపడతారని స్కాందపురాణంతర్గత కథనం చెప్తోంది. ఇంతటి మహిమాన్వితమైన స్నానోత్సవం ముగిసిన తరువాత స్వామి జ్వరపీడితుడైనట్టు చెప్పి  వారం రోజులపాటు గర్భాలయంలో స్వామి విశ్రాంతి తీసుకుంటాడు. ఈ పదిహేను రోజులు భక్తులకుగాని, వేదపండితులకుగాని, చివరకు ఆ దేశపు రాజుకు కూడా దర్శనం ఉండదు. కేవలం దయితపతులు మాత్రమే స్వామికి చేయవలసిన పూజాది కార్యక్రమాలు, నైవేద్య సమర్పణలు జరుపుతారు. ఆటవికులు అతి గోప్యంగా చేసే ఈ పూజలే “అనవసరనీతి పూజలు”. వారి ఆటవిక సంప్రదాయానుసారం దేవతామూర్తులకు అడ్డుగా ఒక తడికలాంటి ఆచ్చాదన పెట్టి, పండ్లు, కందమూలాలు మొదలైన నైవేద్యాలను సమర్పిస్తారు. ఈ పదిహేనురోజులలో రంగులు వెలసిన మూర్తులకు రంగులు వేస్తారు. ఈ రంగులు కూడా ఎటువంటి కృత్రిమత్వానికి తావులేకుండా సహజసిద్ధంగా తయారుచేసిన రంగులనే వాడతారు. ఈ రంగులు వేసే సందర్భంలో దేవతామూర్తుల ఆకారంలో ప్రస్ఫుటంగా కనబడే కనులకు రంగులు వేసే సందర్పాన్నినేత్రోత్సవం'గా పిలుస్తారు. ఈ కార్యక్రమాలన్నీ ముగిసి తిరిగి అమావాస్య నాడీ స్వామి దర్శనం అవుతుంది. పది హేను రోజుల అనంతరం జగన్నాథుడు... సుభద్ర, బలరామ సహితుడై స్నానం పూర్తిచేసుకొని రథాలను అధిరోహించి తన జన్మస్థానమైన జనకపురికి బయలుదేరతాడు. ఈ జనకపురి జగన్నాథ ఆలయ నిర్మాత అయిన ఇంద్రద్యుమ్న మహారాణి గుండీచాదేవిది. దానినే గుండీచాబరి అని కూడా పిలుస్తారు. జగన్నాథుడు ఆమెను అత్తగా గౌరవిస్తాడని అందుకే వారం రోజులపాటు స్వామి అత్తవారింట్లో ఉంటాడని చెప్తారు. జగన్నాథ, సుభద్ర, బలభద్రుల దారుమూర్తులు తయారైంది అక్కడేనని అందుకే దీనిని జనకపురి, జన్మస్థానం అని చెప్తారు.

తొలి ఏకాదశి templeinfo

తొలి ఏకాదశి

తొలి ఏకాదశి templeinfo
హిందువులకు అతి ముఖ్యమైన, పవిత్రమైన తిథి ఏకాదశి. మేరుపర్వతమంత పాపాన్నికూడా ప్రక్షాళన చేయగల ప్రభావం గలిగింది ఏకాదశి వ్రతం. ఏకాదశినాడు చేసే పూజలు, జపతపాలు, స్నానం దానం ఇలా ఏ ఒక్క పుణ్యకార్యమైనా అఖండమైన ఫలితాన్నందిస్తుంది. వ్యాసమహర్షి అందించిన పురాణాలను నకాది మునులందరికి విశదపరచిన సూతుడే నైమిశారణ్యంలో ఏకాదశిగురించి కూడా చెప్పినట్టు నారద పురాణం తెలియజేస్తోంది. శ్రీ మహావిష్ణువుకు అత్యంత ప్రీతిపాత్రమైనది కాబట్టి ఏకాదశిని హరివాసరం అని కూడా అంటారు.
పూర్వం కుంబుడు అనే రాక్షసుడు వాని కుమారుడు మృదుమన్యుడు అచంచలమైన శివభక్తితో అనేక వరములు సంపాదించుకున్నారు. అలాగే స్త్రీ పురుషులనుండి గాని ఏ ఇతర ప్రాణి    నుండిగాని తనకు మరణం లేకుండా వరాన్ని కోరుకున్నారు. అయితే మరణం అనేది అనివార్యం కాబట్టి ఆ వరం కుదరదని, ఒక అయోనిజ అయిన స్త్రీ చేత తప్ప ఇంకెవరివల్లను మరణం లేకుండా వరాన్నిచ్చాడు శివుడు. అయోనిజ ఉద్భవించడం ఎలాగూ సాధ్యంకాదు. కాబట్టి ఇక
తమకు మరణం లేదన్న గర్వంతో విర్రవీగుతూ సకల జనులను బాధపెట్టసాగారు. వారు చివరకు త్రిమూర్తులను కూడా జయించే పరిస్థితి ఏర్పడింది. ఈ పరిస్థితిలో త్రిమూర్తులు తమ భార్యలతో పాటు వెళ్ళి ఉసిరిక వృక్షం తొర్రలో దాక్కొనవలసి వచ్చింది. అందరూ ఆ తొర్రలోనే ఇరుక్కున్నందువలన ఆ రాపిడికి ఒక కన్య ఉద్భవించింది. ఇంతలోనే రాక్షసుడు త్రిమూర్తులను వెతుక్కుంటూ అక్కడకు వచ్చాడు. సరిగ్గా అదే సమయంలో తొర్రలోనుండి వచ్చిన కన్య రాక్షసుని సంహరిం చింది. ఇలా దుష్ట సంహారం చేసి శ్రీ మహావిష్ణువుకు ప్రీతి కలిగించింది కాబట్టి మహావిష్ణువుకు ఇష్టురాలయ్యింది. ఆ బాలికే ఏకాదశి అని ప్రతి పక్షంలోను పదకొండవ రోజు ఆమెను స్మరించు కొని శ్రీమన్నారాయణుని పూజిస్తే సకల పాపహరణమని పురాణాలు చెప్తున్నాయి.
మరో కథనం ప్రకారం, కృతయుగంలో మురాసురుడనే రాక్షసుడు ఎన్నో వరాలను సంపా దించి ఆ వరగర్వంతో మునులను, దేవతలను హింసిస్తూ చివరకు ఇంద్రుడు, బ్రహ్మలను కూడా వారి స్థానాలనుండి వెళ్ళగొట్టాడు. వారందరి బాధ తీర్చడానికి విష్ణువు మురాసురునితో తలపడ్డాడు. వెయ్యేళ్ళు యుద్దం చేసినా రాక్షసుని నిర్జించలేకపోయాడు. మహావిష్ణువు చివరకు అలసటతో 'సింహావధ' అనే గుహలో దాక్కున్నాడు. విష్ణువును వెతుక్కుంటూ వచ్చాడు రాక్షసుడు, ఆ సమయంలో విష్ణువు తన శరీరం నుండి ఒక బాలికను ఉద్బవింపజేసి మురాసురునిపైకి వది లాడు. ఆ బాలిక రాక్షసునితో యుద్ధం చేసి సంహరించింది. ఆమే ఏకాదశి. తనకు ఈ విధంగా రాక్షస సంహారంతో సంతోషం కలిగించినందుకు ఫలితంగా వరం కోరుకొమ్మన్నాడు విష్ణుమూర్తి, దానికా బాలిక ఏకాదశి "శ్రీమన్నారాయణా సర్వతిథులలోను నేను ప్రముఖంగా పూజించబడాలి. ఎల్లవేళలా నేను నీకు ప్రియమైనదానిగా ఉండాలి. నా తిథిలో ఉప వాసం ఉండి వ్రతం ఆచరించినవారు మోక్షాన్ని పొందాలి' అని అడిగింది. ఆ వరానిచ్చాడు విష్ణువు. ఇలా ఏకాదశి తిథి ప్రాధాన్యాన్ని సంతరించుకున్నట్టు భవిష్యపురాణం చెప్తోంది. ఏకాద శులన్నింటిలోకి అత్యంత ప్రధానమయినది తొలి ఏకాదశికి.
ఈ ఆషాడమాసంలోని ఏకాదశే తొలి ఏకాదశి ఎలా అయింది అంటే పూర్వకాలంలో వర్షఋతువే ప్రథమ ఋతువుగా ఆషాఢమాసంతోనే సంవత్సరం ప్రారంభమయ్యేదట. అలా ఆషాఢంలో వచ్చిన ఏకాదశి తొలి ఏకాదశి అయింది. తొలి ఏకాదశినే శయనైకాదశి అనీ అంటారు. ఈ ఏకాదశి రోజునే శ్రీ మహావిష్ణువు పాలకడలిలో నిద్రకు ఉపక్రమిస్తాడు. దానివల్ల ఈ ఏకాదశి శయనైకాదశి గా పేర్గాంచింది. ఈ తొలి ఏకాదశి రోజున గోపద్మ వ్రతాన్ని ఆచరించాలని పురాణాలు చెప్తున్నాయి. ఈ రోజు ఆవుల కొట్టాన్ని శుభ్రం చేసి కొట్టం మధ్యలో ముప్ఫైమూడు పద్మాలను వేసి మధ్యలో లక్ష్మీనారాయణులను ఉంచి పూజించాలి. గంధపుష్పాలతో అర్చించాలి. ఇలా సంవత్సరం రోజులు చేసి వాయనాలతో దక్షిణతాంబూలాలనిచ్చి వ్రత ఉద్యాపనచేయాలి.

వాట్సప్ ప్రియులకు ఎంత కష్టమొచ్చిందో | templeinfo.ml


వాట్సప్ ప్రియులకు ఎంత కష్టమొచ్చిందో.....

watsapp latest updates
ఒకపూట తిండి లేకపోయినా ఫరవాలేదు. కాని ఒక్క గంట వాట్సప్ లేకపోతే అమ్మో ఇంకేమైనా ఉందా కొంపలంటుకోవూ.... ఎన్ని ఊసులు మిస్సవుతాం! ఎన్ని గ్రూపులు మిస్సవుతాం! ఆవకాయ పెట్టడం దగ్గర్నుంచి అఫీషియల్ వర్క్ వరకు అన్నీ వాట్సప్ మీద నడుస్తున్నాయి. బామ్మ గారి దగ్గర్నుంచి బాసుగారి వరకు చేతిలో స్మార్ట్ ఫోను, అందులో వాట్సప్ ఉండాల్సిందే. ప్రస్తుత పరిస్తితి ఇది. అయితే ఆ కొంపలంటుకునే క్షణం వచ్చేసింది. ఎందుకంటే వాట్సాప్.. లో ప్రచారమవుతున్న కొన్ని తప్పుడు వార్తల కారణంగా అమాయకులు ప్రాణాలు కోల్పోయిన పరిస్తితులు ఎక్కువవుతున్నాయి. తెలిసో తెలియకో మనం ప్రచారం చేస్తున్న ఈ తప్పుడు వార్తల కారణంగా రెండు నెలల కాలంలోనే దేశవ్యాప్తంగా పదుల సంఖ్యలో కేవలం ఈ వార్తల కారణంగానే హత్యకు గురయినట్టు నిర్దారారణ అయింది. ముఖ్యంగా పిల్లల కిడ్నాపర్లు వస్తున్నట్టు వచ్చిన వార్తల కారణంగా ఎవరు కొంచెం అనుమానంగా కనిపించినా వాళ్ళను కొట్టి చంపేస్తున్న ఘటనలు ఊపందుకున్నాయి. దాంతో ప్రభుత్వం ఈ విషయం మీద గట్టి చర్యలే తీసుకోబోతోంది. వాట్సాప్ లో ప్రచారమయ్యే తప్పుడు వార్తలను నియంత్రించాలని, లేకపోతే కఠిన చర్యలు తప్పవని హెచ్చరించింది. ఈ నేపధ్యంలో వాట్సాప్ సంస్థ కొన్ని మార్పులు చేసిందట. ఇప్పుడు మనం ఒక మెసేజ్ ని మన బందు,మిత్ర,సపరివార సమేతానికి ఒకేసారి పంపించుకొని హమ్మయ్య ఓ పనైపోయిందని ఊపిరి పీల్చుకుంటున్నాం. ఇకమీదట అలా కుదరదు. ఒకేసారి ఐదుగురికి మాత్రమే సమాచారాన్ని షేర్ చేసే విధంగా వాట్సప్ సాఫ్ట్ వేర్ ను మారుస్తోందట. వాట్సాప్ షేర్ ఐకాన్ ను కూడా తొలగిస్తామని వాట్సాప్ తాజాగా ప్రకటించింది. తప్పుడు వదంతులు నియంత్రణలో భాగంగానే వాట్సాప్ ఈ నిర్ణయం తీసుకుందట.